ഇസ്രായേൽ ആക്രമണത്തിൽ ഇറാന്റെ ഉന്നത സുരക്ഷാ ഉദ്യോഗസ്ഥർ കൊല്ലപ്പെട്ടതായി ഇസ്രായേൽ റിപ്പോർട്ട്.

ഇറാന്റെ ദേശീയ സുരക്ഷാ കൗൺസിൽ സെക്രട്ടറിയും ഉന്നത നയതന്ത്രജ്ഞനുമായ അലി ലാരിജാനി, ബാസിജ് സേനാ കമാൻഡർ ഗുലാംറേസ സുലൈമാനി എന്നിവരെ ഇസ്രായേൽ നടത്തിയ വ്യോമാക്രമണത്തിൽ വധിച്ചതായി ഇസ്രായേൽ പ്രതിരോധ മന്ത്രി ഇസ്രായേൽ കാറ്റ്സ് അറിയിച്ചു. തിങ്കളാഴ്ച രാത്രി ഇറാനിൽ നടത്തിയ മിന്നലാക്രമണത്തിലാണ് ഇവർ കൊല്ലപ്പെട്ടതെന്ന് ഇസ്രായേൽ സൈന്യം സ്ഥിരീകരിച്ചു. ഫെബ്രുവരി 28-ന് അയത്തുള്ള അലി ഖമനേയി കൊല്ലപ്പെട്ടതിന് പിന്നാലെ ഇറാനിയൻ ഭരണകൂടത്തിന് ലഭിക്കുന്ന മറ്റൊരു കനത്ത തിരിച്ചടിയാണിത്.

അതേസമയം, ഇറാനിലെ ഇന്റർനെറ്റ് നിരോധനം 18-ാം ദിവസത്തിലേക്ക് കടന്നതായും ജനങ്ങൾ ഇപ്പോഴും ആഗോള തലത്തിൽ പൂർണ്ണമായും ഒറ്റപ്പെട്ട അവസ്ഥയിലാണെന്നും ഇന്റർനെറ്റ് നിരീക്ഷണ ഏജൻസിയായ നെറ്റ്ബ്ലോക്സ് (NetBlocks) അറിയിച്ചു. സമാധാന ചർച്ചകൾക്കുള്ള സമയം ഇപ്പോഴായിട്ടില്ലെന്ന് പുതിയ പരമോന്നത നേതാവ് മുജ്താബ ഖമനേയി പറഞ്ഞതായും റിപ്പോർട്ടുകളുണ്ട്. എന്നാൽ മുജ്താബ ഖമനേയി ജീവനോടെയുണ്ടോ എന്ന കാര്യത്തിൽ അമേരിക്കയ്ക്ക് ഇപ്പോഴും വ്യക്തതയില്ലെന്ന് പ്രസിഡന്റ് ട്രംപ് തിങ്കളാഴ്ച വൈറ്റ് ഹൗസിൽ നടത്തിയ വാർത്താസമ്മേളനത്തിൽ പറഞ്ഞു. അദ്ദേഹം കഠിനമായി പരിക്കേറ്റ് ചികിത്സയിലാണെന്നും അതല്ല കൊല്ലപ്പെട്ടുവെന്നും ഉള്ള വൈരുദ്ധ്യമായ വാർത്തകൾ പുറത്തുവരുന്നുണ്ടെന്ന് ട്രംപ് കൂട്ടിചേർത്തു. (Iranintl)

For more details: The Indian Messenger