കർഷകരുടെ താൽപ്പര്യങ്ങൾ സംരക്ഷിക്കാൻ ഏതറ്റം വരെയും പോകാൻ തയ്യാറാണെന്ന് പ്രധാനമന്ത്രി മോദി.
കർഷകരുടെ താൽപ്പര്യങ്ങൾ സംരക്ഷിക്കാൻ ഏതറ്റം വരെയും പോകാൻ തയ്യാറാണെന്ന് പ്രധാനമന്ത്രി മോദി.
ന്യൂഡൽഹി: കർഷകരുടെയും, മത്സ്യത്തൊഴിലാളികളുടെയും, ക്ഷീരകർഷകരുടെയും താൽപ്പര്യങ്ങൾ സംരക്ഷിക്കാൻ ഇന്ത്യ ഒരിക്കലും വിട്ടുവീഴ്ച ചെയ്യില്ലെന്ന് പ്രധാനമന്ത്രി നരേന്ദ്ര മോദി പറഞ്ഞു. അതിനായി എന്ത് വില കൊടുക്കാനും താൻ തയ്യാറാണെന്നും അദ്ദേഹം വ്യക്തമാക്കി.
“കർഷകരുടെ താൽപ്പര്യങ്ങൾക്കാണ് ഞങ്ങൾ മുൻഗണന നൽകുന്നത്. കർഷകരുടെയും, മത്സ്യത്തൊഴിലാളികളുടെയും, ക്ഷീരകർഷകരുടെയും താൽപ്പര്യങ്ങൾ ഇന്ത്യ ഒരിക്കലും വിട്ടുവീഴ്ച ചെയ്യില്ല. വ്യക്തിപരമായി എനിക്ക് വില നൽകേണ്ടിവരുമെന്ന് ഞാൻ വിശ്വസിക്കുന്നു, അതിന് ഞാൻ തയ്യാറാണ്,” മോദി പറഞ്ഞു.
വിഖ്യാത കാർഷിക ശാസ്ത്രജ്ഞൻ എം.എസ്. സ്വാമിനാഥന്റെ ജന്മശതാബ്ദി ആഘോഷിക്കുന്ന മൂന്ന് ദിവസത്തെ ആഗോള സമ്മേളനത്തിൽ സംസാരിക്കുകയായിരുന്നു അദ്ദേഹം. കാർഷിക ഉത്പന്നങ്ങൾ ഉൾപ്പെടെയുള്ള ഇന്ത്യൻ ഉത്പന്നങ്ങൾക്ക് അമേരിക്ക 50 ശതമാനം തീരുവ വർദ്ധിപ്പിച്ചതിന്റെ പശ്ചാത്തലത്തിലാണ് മോദിയുടെ ഈ പ്രസ്താവന.
പ്രമുഖ ശാസ്ത്രജ്ഞന്റെ സ്മരണാർത്ഥം ഒരു നാണയവും സ്റ്റാമ്പും മോദി പ്രകാശനം ചെയ്തു. 1960-കളിൽ ഉയർന്ന വിളവ് നൽകുന്ന ഗോതമ്പ് ഇനങ്ങളും ആധുനിക കൃഷിരീതികളും അവതരിപ്പിച്ച് ഇന്ത്യൻ കൃഷിയിൽ വിപ്ലവം സൃഷ്ടിച്ച എം.എസ്. സ്വാമിനാഥൻ ‘ഹരിത വിപ്ലവത്തിന്റെ പിതാവ്’ എന്ന പേരിലാണ് അറിയപ്പെടുന്നത്. അദ്ദേഹത്തിന്റെ പ്രവർത്തനങ്ങൾ ഇന്ത്യയിൽ ഭക്ഷ്യോത്പാദനം വർദ്ധിപ്പിക്കുകയും കർഷകർക്കിടയിലെ ദാരിദ്ര്യം കുറയ്ക്കുകയും ചെയ്തു.
1925 ഓഗസ്റ്റ് 7-ന് കുംഭകോണത്ത് ജനിച്ച സ്വാമിനാഥൻ, 2023 സെപ്റ്റംബർ 28-ന് 98-ആം വയസ്സിൽ ചെന്നൈയിൽ വെച്ച് അന്തരിച്ചു.
With input from TNIE
