ഇന്ന് രാവിലെ പശ്ചിമേഷ്യയിലുടനീളം സ്ഫോടനങ്ങൾ റിപ്പോർട്ട് ചെയ്തു.

പശ്ചിമേഷ്യയിൽ യുദ്ധം മൂന്നാം ദിവസത്തിലേക്ക് കടന്നതോടെ മേഖലയിലുടനീളം വൻ സ്ഫോടനങ്ങൾ റിപ്പോർട്ട് ചെയ്തു. ഇറാന് നേരെ അമേരിക്കയും, ലബനനിലെ ഹിസ്ബുള്ള കേന്ദ്രങ്ങൾക്ക് നേരെ ഇസ്രായേലും ശക്തമായ വ്യോമാക്രമണം തുടരുകയാണ്. ഇതിന് തിരിച്ചടിയായി ശനിയാഴ്ച മുതൽ ഇറാൻ മേഖലയിലെ യുഎസ് സൈനിക താവളങ്ങൾക്ക് നേരെ മിസൈൽ ആക്രമണം നടത്തിവരുന്നു.

തിങ്കളാഴ്ച പുലർച്ചെ ജെറുസലേം, ദുബായ്, അബുദാബി, ദോഹ, മനാമ എന്നിവിടങ്ങളിൽ വലിയ സ്ഫോടന ശബ്ദങ്ങൾ കേട്ടതായി അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു. കുവൈറ്റിലെ യുഎസ് എംബസിക്ക് സമീപം പുക ഉയരുന്നതായും അഗ്നിശമന സേനാംഗങ്ങളും ആംബുലൻസുകളും സ്ഥലത്തെത്തിയതായും റോയിട്ടേഴ്സ് റിപ്പോർട്ട് ചെയ്യുന്നു. സൈപ്രസിലെ ബ്രിട്ടീഷ് വ്യോമസേനാ താവളമായ ആർഎഎഫ് അക്രോതിരിക്ക് (RAF Akrotiri) നേരെയും ഡ്രോൺ ആക്രമണം നടന്നതായി സൂചനയുണ്ട്. (SKY NEWS)

For more details: The Indian Messenger