ഇറാൻ-ഇസ്രായേൽ യുദ്ധം നാലാം ദിനം: ട്രംപിന്റെ പുതിയ മുന്നറിയിപ്പ്. യുഎഇയിൽ വിമാന സർവീസുകൾ ഭാഗികമായി പുനരാരംഭിച്ചു.
ദുബായ്: ഇറാൻ-ഇസ്രായേൽ യുദ്ധം നാലാം ദിവസത്തിലേക്ക് കടക്കുമ്പോൾ മേഖലയിൽ സംഘർഷം അതിരൂക്ഷമാകുന്നു. ടെഹ്റാനിലും ബെയ്റൂട്ടിലും ഇസ്രായേൽ ആക്രമണം തുടരുകയാണ്. ഇറാന്റെ ഔദ്യോഗിക റേഡിയോ-ടെലിവിഷൻ ആസ്ഥാനത്തിന് നേരെയും ആക്രമണമുണ്ടായി. ഇറാനിലും ലബനനിലുമായി കൊല്ലപ്പെട്ടവരുടെ എണ്ണം 600 കടന്നു. ഇതിനിടെ, പശ്ചിമേഷ്യൻ രാജ്യങ്ങളിലുള്ള തങ്ങളുടെ പൗരന്മാരോട് ഉടൻ രാജ്യം വിടാൻ അമേരിക്ക നിർദ്ദേശിച്ചു.
ഇറാൻ തൊടുത്തുവിട്ട ബാലിസ്റ്റിക് മിസൈലുകളെ തങ്ങളുടെ പ്രതിരോധ സംവിധാനങ്ങൾ വിജയകരമായി തകർത്തതായി യുഎഇ പ്രതിരോധ മന്ത്രാലയം അറിയിച്ചു. രാജ്യത്തിന്റെ സുരക്ഷ ഉറപ്പാക്കാൻ സൈന്യം സജ്ജമാണെന്നും അധികൃതർ വ്യക്തമാക്കി. മേഖലയിലെ വ്യോമഗതാഗതം ഇപ്പോഴും തടസ്സപ്പെട്ടിട്ടുണ്ടെങ്കിലും, സുരക്ഷാ സാഹചര്യം വിലയിരുത്തിക്കൊണ്ട് യുഎഇയിലെ ചില വിമാനക്കമ്പനികൾ സർവീസുകൾ ഭാഗികമായി പുനരാരംഭിച്ചിട്ടുണ്ട്. (Gulf News)
For more details: The Indian Messenger
