പെരമ്പൂരിൽ ചട്ടലംഘനം: ടി.വി.കെ അധ്യക്ഷൻ വിജയ്ക്കും പ്രവർത്തകർക്കുമെതിരെ കേസെടുത്തു.

ചെന്നൈ: തമിഴ്‌നാട് നിയമസഭാ തിരഞ്ഞെടുപ്പിനോടനുബന്ധിച്ച് പെരമ്പൂർ മണ്ഡലത്തിൽ നടത്തിയ പ്രചാരണ പരിപാടിയിൽ പെരുമാറ്റച്ചട്ട ലംഘനം നടത്തിയെന്ന് ആരോപിച്ച് തമിഴക വെട്രി കഴകം (ടി.വി.കെ) അധ്യക്ഷൻ വിജയ്‌ക്കെതിരെ പോലീസ് കേസെടുത്തു. മോണിറ്ററിംഗ് ഓഫീസർ കുമാർ നൽകിയ പരാതിയുടെ അടിസ്ഥാനത്തിൽ ചെന്നൈയിലെ പെരവല്ലൂർ പോലീസ് സ്റ്റേഷനിലാണ് കേസ് രജിസ്റ്റർ ചെയ്തിരിക്കുന്നത്.

മുപ്പതോളം ഉച്ചഭാഷിണികൾ ഉപയോഗിച്ചു, അനുമതിയില്ലാതെ അയ്യായിരത്തിലധികം ആളുകളെ സംഘടിപ്പിച്ചു, ആംബുലൻസിന്റെ വഴി തടസ്സപ്പെടുത്തി, പൊതുജനങ്ങൾക്ക് ബുദ്ധിമുട്ടുണ്ടാക്കി തുടങ്ങിയ ആരോപണങ്ങളാണ് പരാതിയിലുള്ളത്. വിജയ്‌ക്ക് പുറമെ അയ്യായിരത്തോളം പാർട്ടി പ്രവർത്തകർക്കെതിരെയും പോലീസ് കേസെടുത്തിട്ടുണ്ട്. എന്നാൽ, റോഡ് ഷോയ്ക്ക് ആവശ്യമായ സുരക്ഷയും ട്രാഫിക് നിയന്ത്രണവും നൽകുന്നതിൽ പോലീസ് പരാജയപ്പെട്ടുവെന്നും ഇതിൽ തിരഞ്ഞെടുപ്പ് കമ്മീഷൻ ഇടപെടണമെന്നും ടി.വി.കെ ആവശ്യപ്പെട്ടു. (ANI)

For more details: The Indian Messenger