ഖത്തറിലെ ബു ഹസൈയ മേഖലയിൽ നിന്ന് നിർമ്മാണ മാലിന്യങ്ങൾ നീക്കം ചെയ്ത് പരിസ്ഥിതി മന്ത്രാലയം.
മധ്യ ഖത്തറിലെ ബു ഹസൈയ മേഖലയിൽ നിന്ന് നിർമ്മാണ മാലിന്യങ്ങൾ പരിസ്ഥിതി, കാലാവസ്ഥാ വ്യതിയാന മന്ത്രാലയം നീക്കം ചെയ്തു.
മാലിന്യത്തെക്കുറിച്ച് വിവരം ലഭിച്ചതിനെ തുടർന്ന് മന്ത്രാലയത്തിന്റെ വന്യജീവി സംരക്ഷണ വകുപ്പിലെ പ്രത്യേക സംഘം ഉടൻ തന്നെ സ്ഥലത്തെത്തുകയും അവ ശേഖരിച്ച് നീക്കം ചെയ്യുന്നതിനുള്ള ആവശ്യമായ നടപടികൾ സ്വീകരിക്കുകയും ചെയ്തു. മാലിന്യങ്ങൾ, പ്രത്യേകിച്ച് നിർമ്മാണ മാലിന്യങ്ങൾ നിശ്ചയിക്കപ്പെട്ട സ്ഥലങ്ങളിൽ തന്നെ സംസ്കരിക്കേണ്ടതിന്റെ പ്രാധാന്യം മന്ത്രാലയം ഊന്നിപ്പറഞ്ഞു. അനിയന്ത്രിതമായ രീതിയിൽ മാലിന്യം തള്ളുന്നത് പ്രകൃതിയെയും സസ്യസമ്പത്തിനെയും ഭീഷണിപ്പെടുത്തുമെന്ന് മന്ത്രാലയം മുന്നറിയിപ്പ് നൽകി.
വന്യമേഖലകൾ വൃത്തിയായി സൂക്ഷിക്കുന്നതിനും പരിസ്ഥിതി ചട്ടങ്ങൾ പാലിക്കുന്നതിനും പൊതുജനങ്ങൾ സഹായിക്കണമെന്നും മന്ത്രാലയം അഭ്യർത്ഥിച്ചു. കൂടാതെ, ഏതെങ്കിലും തരത്തിലുള്ള പരിസ്ഥിതി ലംഘനങ്ങൾ ശ്രദ്ധയിൽ പെടുകയാണെങ്കിൽ 16066 എന്ന നമ്പറിൽ എൻവയോൺമെന്റൽ ഓപ്പറേഷൻസ് റൂമുമായി ബന്ധപ്പെട്ട് വിവരം അറിയിക്കണമെന്നും അധികൃതർ നിർദ്ദേശിച്ചു.
For more details: The Indian Messenger
