ഇറാൻ റെവല്യൂഷണറി ഗാർഡ്‌സ് ഇൻ്റലിജൻസ് മേധാവി യുഎസ്-ഇസ്രായേൽ ആക്രമണത്തിൽ കൊല്ലപ്പെട്ടു.

തിങ്കളാഴ്ച പുലർച്ചെ നടന്ന യുഎസ്-ഇസ്രായേൽ സംയുക്ത വ്യോമാക്രമണത്തിൽ ഇറാൻ റെവല്യൂഷണറി ഗാർഡ്‌സ് (ഐആർജിസി) ഇൻ്റലിജൻസ് വിഭാഗം മേധാവി കൊല്ലപ്പെട്ടതായി ഇറാൻ സ്ഥിരീകരിച്ചു. ഐആർജിസി ഇൻ്റലിജൻസ് ഓർഗനൈസേഷൻ്റെ ശക്തനായ തലവനും ഉന്നത വിദ്യാഭ്യാസവുമുള്ള മേജർ ജനറൽ മാജിദ് ഖാദെമിയാണ് കൊല്ലപ്പെട്ടത്.

ഇന്ന് പുലർച്ചെ അമേരിക്കൻ-സയണിസ്റ്റ് ശത്രുക്കൾ നടത്തിയ ക്രിമിനൽ ഭീകരാക്രമണത്തിൽ മേജർ ജനറൽ മാജിദ് ഖാദെമി രക്തസാക്ഷിത്വം വരിച്ചതായി റെവല്യൂഷണറി ഗാർഡ്‌സ് തങ്ങളുടെ ടെലിഗ്രാം ചാനലിലൂടെ അറിയിച്ചു. ഇറാൻ്റെ പ്രതിരോധ-രഹസ്യാന്വേഷണ മേഖലയിൽ നിർണ്ണായക പങ്ക് വഹിച്ചിരുന്ന ഉദ്യോഗസ്ഥനായിരുന്നു ഖാദെമി.

(With inputs from Iran International)

For more details: The Indian Messenger