എഴുത്തുകാരി മായ വാസുദേവിന് ഭാരത് സേവക് സമാജിന്റെ ദേശീയ പുരസ്കാരം; തിരുവനന്തപുരത്ത് നടന്ന ചടങ്ങിൽ ബഹുമതി ഏറ്റുവാങ്ങി.

തിരുവനന്തപുരം: പ്രമുഖ എഴുത്തുകാരി മായ വാസുദേവിന് ഭാരത് സേവക് സമാജിന്റെ (BSS) ദേശീയ പുരസ്കാരം. തിരുവനന്തപുരം കവടിയാറിൽ നടന്ന പ്രൗഢഗംഭീരമായ ചടങ്ങിൽ വെച്ച് മായ വാസുദേവ് ബഹുമതി ഏറ്റുവാങ്ങി. സാമൂഹിക-സാംസ്കാരിക മേഖലകളിലെ ശ്രദ്ധേയമായ ഇടപെടലുകളും സാഹിത്യ സംഭാവനകളും പരിഗണിച്ചാണ് ഈ ദേശീയ ബഹുമതി നൽകിയത്.

സംഗീത ലോകത്തെ കുലപതിയും പത്മശ്രീ പുരസ്കാര ജേതാവുമായ ശ്രീമതി കെ. ഓമനക്കുട്ടി ടീച്ചർ, ഗോപകുമാർ തുടങ്ങിയ പ്രമുഖർ പങ്കെടുത്ത വേദിയിൽ വെച്ചാണ് പുരസ്കാര സമർപ്പണം നടന്നത്. എം.ജി. ശ്രീകുമാറിന്റെ സഹോദരി കൂടിയായ ഓമനക്കുട്ടി ടീച്ചറുടെ സാന്നിധ്യം ചടങ്ങിന്റെ മാറ്റുകൂട്ടി.

അക്ഷരങ്ങളിലൂടെയും സാംസ്കാരിക പ്രവർത്തനങ്ങളിലൂടെയും മായ വാസുദേവ് നടത്തുന്ന സേവനങ്ങൾക്ക് ലഭിച്ച വലിയൊരു അംഗീകാരമാണ് ഈ ദേശീയ പുരസ്കാരം. മലയാള സാഹിത്യ ലോകത്തെ യുവ എഴുത്തുകാരിൽ ശ്രദ്ധേയയായ മായ വാസുദേവ്, തന്റെ കൃതികളിലൂടെയും പ്രവർത്തനങ്ങളിലൂടെയും ഇതിനോടകം തന്നെ വായനക്കാരുടെ പ്രീതി പിടിച്ചുപറ്റിയിട്ടുണ്ട്. (NM)

For more details: The Indian Messenger