കുറുമ്പ കലയ്ക്ക് പത്മശ്രീ അംഗീകാരം; കലാകാരന്റെ കുടുംബം ഇന്നും കൊടും ദാരിദ്ര്യത്തിൽ.

മേട്ടുപ്പാളയം: തമിഴ്‌നാട്ടിലെ നീലഗിരി കുന്നുകളിലെ ഗോത്രകലയായ ‘കുറുമ്പ ആർട്ടിനെ’ ലോകപ്രശസ്തമാക്കിയ അന്തരിച്ച കലാകാരൻ ആർ. കൃഷ്ണന് രാജ്യം പത്മശ്രീ നൽകി ആദരിച്ചു. എന്നാൽ ഈ വലിയ അംഗീകാരം തേടിയെത്തുമ്പോഴും അദ്ദേഹത്തിന്റെ കുടുംബം മേട്ടുപ്പാളയത്തെ പുളിയമരത്തിൽ കൊടും ദാരിദ്ര്യത്തിലാണ് കഴിയുന്നത്.

2025 മാർച്ചിൽ അന്തരിച്ച കൃഷ്ണൻ, വനങ്ങളിൽ നിന്ന് ശേഖരിക്കുന്ന പ്രകൃതിദത്ത ചായങ്ങൾ ഉപയോഗിച്ച് തുണിയിൽ വരയ്ക്കുന്ന ചിത്രങ്ങളിലൂടെയാണ് ശ്രദ്ധേയനായത്. പുരസ്‌കാര വാർത്ത അറിയിച്ച് ഡൽഹിയിൽ നിന്ന് ഫോൺ വിളിയെത്തുമ്പോൾ കൃഷ്ണന്റെ ഭാര്യ സുശീല അടയ്ക്ക ശേഖരിക്കുന്ന പണിയിലായിരുന്നു. പ്രതിദിനം 300 രൂപ കൂലിക്കാണ് നാല് മക്കളും പ്രായമായ മാതാപിതാക്കളുമടങ്ങുന്ന കുടുംബം പുലർത്താൻ സുശീല ജോലി ചെയ്യുന്നത്. സാമ്പത്തിക ബുദ്ധിമുട്ട് കാരണം മൂത്ത മകളുടെ നഴ്സിംഗ് പഠനം പാതിവഴിയിൽ നിലച്ചു. ഡൽഹിയിൽ നടക്കുന്ന പുരസ്‌കാര ചടങ്ങിൽ പങ്കെടുക്കാൻ കുടുംബത്തെ മുഴുവൻ കൊണ്ടുപോകണമെന്നുണ്ടെങ്കിലും അതിനുള്ള പണം എങ്ങനെ കണ്ടെത്തുമെന്ന് സുശീലയ്ക്ക് അറിയില്ല. തങ്ങളുടെ കലയ്ക്ക് ജിഐ ടാഗ് (GI Tag) ലഭിക്കണമെന്നത് കൃഷ്ണന്റെ വലിയ സ്വപ്നമായിരുന്നു. സ്വന്തമായി ഒരു കോൺക്രീറ്റ് വീടും മക്കളുടെ വിദ്യാഭ്യാസവും ഉറപ്പാക്കാൻ സർക്കാർ സഹായിക്കണമെന്നാണ് ഈ കുടുംബത്തിന്റെ അപേക്ഷ. (TNIE)

For more details: The Indian Messenger