ദുബായ് തീരത്ത് കുവൈത്ത് എണ്ണക്കപ്പലിന് നേരെ ഇറാന്റെ ഡ്രോൺ ആക്രമണം; കപ്പലിന് കേടുപാടുകൾ, ജീവനക്കാർ സുരക്ഷിതർ.

ദുബായ് തീരത്ത് നങ്കൂരമിട്ടിരുന്ന ‘അൽ സാൽമി’ എന്ന കുവൈത്ത് എണ്ണക്കപ്പലിന് നേരെ ഇറാന്റെ ഡ്രോൺ ആക്രമണം. 2026 മാർച്ച് 31 ചൊവ്വാഴ്ച പുലർച്ചെ 12:10-ഓടെയാണ് സംഭവം നടന്നതെന്ന് കുവൈത്ത് പെട്രോളിയം കോർപ്പറേഷൻ (കെ.പി.സി) അറിയിച്ചു. ആക്രമണത്തെത്തുടർന്ന് കപ്പലിന്റെ പുറംഭാഗത്തിന് കേടുപാടുകൾ സംഭവിക്കുകയും തീപിടുത്തം ഉണ്ടാവുകയും ചെയ്തു. കടലിൽ എണ്ണ ചോരാൻ സാധ്യതയുള്ളതായും റിപ്പോർട്ടുകളുണ്ട്.

ദുബായ് മീഡിയ ഓഫീസിന്റെ അറിയിപ്പ് പ്രകാരം, അഗ്നിശമന സേനാംഗങ്ങൾ ഉടൻ തന്നെ സ്ഥലത്തെത്തി തീ നിയന്ത്രണവിധേയമാക്കി. കപ്പലിലുണ്ടായിരുന്ന 24 ജീവനക്കാരും സുരക്ഷിതരാണെന്ന് സ്ഥിരീകരിച്ചിട്ടുണ്ട്. പൂർണ്ണമായും എണ്ണ നിറച്ച നിലയിലായിരുന്നു ഈ ഭീമൻ കപ്പൽ. സംഭവസ്ഥലത്ത് അടിയന്തര സാഹചര്യം നേരിടാൻ ദുബായ് അധികൃതർ സജ്ജമാണെന്നും പരിസ്ഥിതി ആഘാതം കുറയ്ക്കുന്നതിനും കപ്പലിന്റെ സുരക്ഷ ഉറപ്പാക്കുന്നതിനും ആവശ്യമായ നടപടികൾ സ്വീകരിച്ചുവരുന്നതായും കെ.പി.സി വ്യക്തമാക്കി.

Authorities in Dubai confirm their response to an incident involving a drone affecting a Kuwaiti oil tanker in Dubai waters (Anchorage “E”), with no injuries reported. Maritime firefighting teams are currently working to bring the fire under control and manage the incident in…
— Dubai Media Office (@DXBMediaOffice) March 30, 2026
(With input from Gulf News)

For more details: The Indian Messenger