യെൻബുവിലെ സാംറെഫ് റിഫെനറിക്ക് നേരെ വ്യോമാക്രമണം; എണ്ണ ഉൽപാദനത്തെ ബാധിച്ചില്ല.

സൗദി അരാംകോയുടെയും എക്സോൺ മൊബീലിന്റെയും സംയുക്ത സംരംഭമായ യെൻബുവിലെ സാംറെഫ് റിഫെനറിക്ക് നേരെ വ്യാഴാഴ്ച വ്യോമാക്രമണം ഉണ്ടായതായി വ്യവസായ വൃത്തങ്ങൾ റിപ്പോർട്ട് ചെയ്തു.

ഇറാനിലെ ഊർജ്ജ നിലയങ്ങൾക്ക് നേരെ യുഎസ്-ഇസ്രായേൽ സഖ്യം നടത്തിയ ആക്രമണങ്ങൾക്ക് തിരിച്ചടിയായി ഖത്തറിലെയും യുഎഇയിലെയും എണ്ണ കേന്ദ്രങ്ങൾക്ക് നേരെ നേരത്തെ ആക്രമണങ്ങൾ നടന്നിരുന്നു. ഇതിന് പിന്നാലെയാണ് ചെങ്കടൽ തീരത്തെ സാംറെഫ് റിഫെനറിയും ലക്ഷ്യമിടപ്പെട്ടത്.

ആക്രമണത്തിൽ നാശനഷ്ടങ്ങൾ വളരെ കുറവാണെന്നും ഉൽപാദനത്തെ ബാധിച്ചിട്ടില്ലെന്നും അധികൃതർ അറിയിച്ചു. ആക്രമണത്തിന് മുന്നോടിയായി സൗദി അറേബ്യ, യുഎഇ, ഖത്തർ എന്നിവിടങ്ങളിലെ എണ്ണ കേന്ദ്രങ്ങളിൽ നിന്ന് ആളുകളെ ഒഴിപ്പിക്കണമെന്ന് ഇറാന്റെ ഇസ്‌ലാമിക് റെവല്യൂഷണറി ഗാർഡ് കോർപ്സ് മുന്നറിയിപ്പ് നൽകിയിരുന്നു. (Reuters)

For more details: The Indian Messenger