കേരള നിയമസഭാ തിരഞ്ഞെടുപ്പ്: നാമനിർദ്ദേശ പത്രിക സമർപ്പിക്കാനുള്ള അവസാന തീയതി ഇന്ന്; വോട്ടെടുപ്പിന് ഇനി 17 നാൾ മാത്രം.

കേരള നിയമസഭാ തിരഞ്ഞെടുപ്പിനുള്ള നാമനിർദ്ദേശ പത്രിക സമർപ്പിക്കാനുള്ള അവസാന അവസരം ഇന്നാണ്. പ്രധാന സ്ഥാനാർത്ഥികളെല്ലാം കഴിഞ്ഞ ദിവസങ്ങളിലായി പത്രിക നൽകിക്കഴിഞ്ഞു. പുനലൂരിലെ യുഡിഎഫ് സ്ഥാനാർത്ഥി നൗഷാദ് യൂനുസ്, കരുനാഗപ്പള്ളിയിലെ എൻഡിഎ സ്ഥാനാർത്ഥി ജിതിൻ ദേവ് തുടങ്ങിയവർ ഇന്ന് പത്രിക സമർപ്പിക്കും. കരുനാഗപ്പള്ളിയിൽ മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്‌നാവിസ് സ്ഥാനാർത്ഥിയുടെ റോഡ് ഷോയിൽ പങ്കെടുക്കും.

കൊട്ടാരക്കരയിലെ ആർ. രശ്മി (എൻഡിഎ), ഇരവിപുരത്തെ വിഷ്ണു മോഹൻ (യുഡിഎഫ്), എം. നൗഷാദ് (എൽഡിഎഫ്), കൊല്ലത്തെ എസ്. ജയമോഹൻ (എൽഡിഎഫ്) തുടങ്ങിയവരും ഇന്ന് പത്രിക നൽകുന്നവരിൽ ഉൾപ്പെടുന്നു. എല്ലാ മുന്നണികളും സ്ഥാനാർത്ഥികളെ പ്രഖ്യാപിച്ചതോടെ 140 മണ്ഡലങ്ങളിലെയും മത്സരചിത്രം വ്യക്തമായി. ഭരണത്തുടർച്ച ലക്ഷ്യമിട്ട് എൽഡിഎഫും, ശക്തമായ തിരിച്ചുവരവിനായി യുഡിഎഫും, മാറ്റം വേണമെന്ന വാദവുമായി എൻഡിഎയും സജീവമായ പ്രചാരണത്തിലാണ്. (Kerala News)

For more details: The Indian Messenger