ഹോളി ആഘോഷത്തിനിടെയുണ്ടായ തർക്കത്തെത്തുടർന്ന് 26 വയസ്സുകാരൻ കൊല്ലപ്പെട്ടു.

ഡൽഹിയിലെ ഉത്തംനഗറിൽ ഹോളി ആഘോഷത്തിനിടെയുണ്ടായ തർക്കത്തെത്തുടർന്ന് 26 വയസ്സുകാരൻ കൊല്ലപ്പെട്ടു. ജെ.ജെ കോളനിയിൽ ബുധനാഴ്ചയായിരുന്നു സംഭവം. ടെറസിന് മുകളിൽ നിന്ന് ഒരു പെൺകുട്ടി എറിഞ്ഞ വാട്ടർ ബലൂൺ പൊട്ടി മറ്റൊരു കുടുംബത്തിലെ സ്ത്രീയുടെ ദേഹത്ത് ചായം വീണതാണ് തർക്കത്തിന് കാരണമായത്. ഈ തർക്കം പിന്നീട് രണ്ട് വിഭാഗങ്ങൾ തമ്മിലുള്ള വലിയ സംഘർഷമായി മാറുകയായിരുന്നു. തരുൺ എന്ന യുവാവാണ് കൊല്ലപ്പെട്ടത്.

സംഭവവുമായി യാതൊരു ബന്ധവുമില്ലാതിരുന്ന തരുൺ വീട്ടിലേക്ക് മടങ്ങുന്നതിനിടെ എട്ടോളം പേർ ചേർന്ന് മാരകായുധങ്ങളുമായി ആക്രമിക്കുകയായിരുന്നു. നെഞ്ചിൽ വലിയ കല്ല് ഉപയോഗിച്ച് ഇടിച്ചതാണ് മരണകാരണമെന്ന് ബന്ധുക്കൾ ആരോപിച്ചു. സംഭവത്തെത്തുടർന്ന് ഉത്തംനഗർ പോലീസ് സ്റ്റേഷന് മുന്നിൽ പ്രതിഷേധം ഇരമ്പുകയും പ്രതികളുടെ വീടിന് നേരെ ആക്രമണ ശ്രമം ഉണ്ടാവുകയും ചെയ്തു. സംഘർഷാവസ്ഥ കണക്കിലെടുത്ത് പ്രദേശത്ത് കനത്ത പോലീസ് കാവൽ ഏർപ്പെടുത്തിയിട്ടുണ്ട്. സംഭവത്തിൽ ചിലരെ പോലീസ് കസ്റ്റഡിയിലെടുത്തു. (NDTV)

For more details: The Indian Messenger