ഖത്തറിൽ ഡ്രോൺ നിരോധനം ലംഘിച്ച അഞ്ചുപേർ പിടിയിൽ; നിയമനടപടികൾ ആരംഭിച്ചതായി ആഭ്യന്തര മന്ത്രാലയം.

ദോഹ: ഖത്തറിൽ ഡ്രോണുകളുടെ ഉപയോഗത്തിന് ഏർപ്പെടുത്തിയ കർശന നിരോധനം ലംഘിച്ചതിന് അഞ്ചുപേരെ ആഭ്യന്തര മന്ത്രാലയം (MOI) അറസ്റ്റ് ചെയ്തു. രാജ്യവ്യാപകമായി ഡ്രോണുകൾ പറത്തുന്നതിനും പ്രവർത്തിപ്പിക്കുന്നതിനും ഏർപ്പെടുത്തിയ വിലക്ക് ലംഘിച്ചതിനെ തുടർന്ന് ഇവരെ കൂടുതൽ നിയമനടപടികൾക്കായി ബന്ധപ്പെട്ട അധികാരികൾക്ക് കൈമാറിയതായി തിങ്കളാഴ്ച പുറത്തിറക്കിയ പ്രസ്താവനയിൽ മന്ത്രാലയം അറിയിച്ചു.

പൊതുജനങ്ങളുടെ സുരക്ഷയും കമ്മ്യൂണിറ്റിയുടെ സംരക്ഷണവും മുൻനിർത്തിയാണ് എല്ലാത്തരം ഡ്രോണുകൾക്കും ഖത്തറിൽ വിലക്കേർപ്പെടുത്തിയിരിക്കുന്നത്. സ്വദേശികൾക്കും വിദേശികൾക്കും വിനോദസഞ്ചാരികൾക്കും പുറമെ സർക്കാർ, അർദ്ധസർക്കാർ സ്ഥാപനങ്ങൾക്കും കമ്പനികൾക്കും ഈ നിരോധനം ബാധകമാണ്.

നിരോധനം ലംഘിച്ച് ഡ്രോണുകൾ പ്രവർത്തിപ്പിക്കുകയോ അതിന് സഹായിക്കുകയോ ചെയ്യുന്നത് ഗുരുതരമായ കുറ്റകൃത്യമായി കണക്കാക്കുമെന്നും നിയമലംഘകർക്കെതിരെ കർശന നടപടി സ്വീകരിക്കുമെന്നും ആഭ്യന്തര മന്ത്രാലയം മുന്നറിയിപ്പ് നൽകി. (QNA)

For more details: The Indian Messenger