മനുഷ്യക്കടത്തിനെതിരായ ഗവൺമെന്റ് ഫോറത്തിൽ ഖത്തർ പങ്കെടുത്തു.
മനാമ: ബഹ്‌റൈനിൽ സംഘടിപ്പിച്ച മനുഷ്യക്കടത്തിനെതിരായ ഏഴാമത് മിഡിൽ ഈസ്റ്റ് ഗവൺമെന്റ് ഫോറത്തിൽ ഖത്തർ പങ്കെടുത്തു.
തൊഴിൽ മന്ത്രിയും മനുഷ്യക്കടത്തിനെതിരായ ദേശീയ സമിതി അധ്യക്ഷനുമായ ഡോ. അലി ബിൻ സമീഖ് അൽ മർറിയാണ് ഖത്തർ പ്രതിനിധി സംഘത്തെ നയിച്ചത്.
“വിദഗ്ധ കൂട്ടായ്മകളിലൂടെയും നവീകരണത്തിലൂടെയും പരിശ്രമങ്ങളുടെ സുസ്ഥിരത വർദ്ധിപ്പിക്കുക” എന്ന പ്രമേയത്തിൽ സംഘടിപ്പിച്ച ഫോറത്തിൽ ഗൾഫ് സഹകരണ കൗൺസിൽ (ജി.സി.സി) രാജ്യങ്ങൾ, ജോർദാൻ, ഈജിപ്ത്, അമേരിക്ക എന്നിവിടങ്ങളിൽ നിന്നുള്ള മന്ത്രിമാരും പ്രമുഖ അതോറിറ്റികളുടെ തലവൻമാരും അറബ് ലീഗ്, ഐക്യരാഷ്ട്രസഭയുടെ മയക്കുമരുന്ന്-കുറ്റകൃത്യ വിരുദ്ധ ഓഫീസ് (UNODC) പ്രതിനിധികളും പങ്കെടുത്തു.
മനുഷ്യക്കടത്തിന്റെ വിവിധ രൂപങ്ങൾ, കുറ്റകൃത്യങ്ങൾ തടയുന്നതിൽ സ്വകാര്യ മേഖലയുടെ പങ്ക്, മനുഷ്യക്കടത്ത് തടയുന്നതിനും ചെറുക്കുന്നതിനുമുള്ള ശ്രമങ്ങൾ ശക്തമാക്കുന്നതിന് നവീകരണവും ആർട്ടിഫിഷ്യൽ ഇന്റലിജൻസും പ്രയോജനപ്പെടുത്തുന്നതിലെ മികച്ച മാതൃകകൾ എന്നിവ ഫോറത്തിൽ പങ്കെടുത്തവർ ചർച്ച ചെയ്തു.
പങ്കെടുക്കുന്ന രാജ്യങ്ങളിലെ ബന്ധപ്പെട്ട ദേശീയ സമിതികളുടെ പ്രതിനിധികൾക്കൊപ്പം മനുഷ്യക്കടത്തിനെതിരെ പ്രവർത്തിക്കുന്ന അന്താരാഷ്ട്ര, പ്രാദേശിക വിദഗ്ധരുടെ പങ്കാളിത്തവും ഈ പരിപാടിയുടെ പ്രത്യേകതയാണ്.
For more details: The Indian Messenger
