കേരള ചരിത്രത്തിൽ ആദ്യം; സ്പീക്കർ സ്ഥാനത്തേക്ക് മത്സരിക്കാൻ ബിജെപി.
തിരുവനന്തപുരം: ബിജെപി എംഎൽഎമാരായ രാജീവ് ചന്ദ്രശേഖർ, വി മുരളീധരൻ, ബി ബി ഗോപകുമാർ എന്നിവർ ഇന്ന് നിയമസഭയിൽ സത്യപ്രതിജ്ഞ ചെയ്യും. ബി ബി ഗോപകുമാർ 33ാമനായും വി മുരളീധരൻ 64ാമനായും രാജീവ് ചന്ദ്രശേഖർ 83ാമനായും സത്യപ്രതിജ്ഞ ചെയ്യും. കേരള ചരിത്രത്തിൽ ആദ്യമായി ബിജെപി സ്പീക്കർ സ്ഥാനത്തേക്ക് മത്സരിക്കുന്നുവെന്ന പ്രത്യേകതയുമുണ്ട്. ചാത്തന്നൂർ എംഎല്എ ബി ബി ഗോപകുമാറാണ് ബിജെപിയുടെ സ്പീക്കർ സ്ഥാനാർത്ഥി.
സ്പീക്കർ സ്ഥാനത്തേക്ക് ബിജെപി മത്സരിക്കുമെന്നും ബി ബി ഗോപകുമാർ സ്ഥാനാർത്ഥിയാവുമെന്നും ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ മാധ്യമങ്ങളോട് പറഞ്ഞു. പാർട്ടിയുടെ പ്രവർത്തനത്തിൻ്റെയും അധ്വനത്തിൻ്റെയും ഫലമാണിതെന്നും 30 ലക്ഷം ജനങ്ങളുടെ ആവശ്യങ്ങൾക്കായി പ്രവർത്തിക്കുമെന്നും അദ്ദേഹം പറഞ്ഞു.
പാളയം രക്തസാക്ഷി മണ്ഡപത്തിൽ പുഷ്പാർച്ചന നടത്തിയ ശേഷം നേതാക്കൾക്കും പ്രവർത്തകർക്കുമൊപ്പം പ്രകടനമായാണ് ഇവർ നിയമസഭയിലേക്ക് എത്തിയത്. മുൻ സംസ്ഥാന അധ്യക്ഷൻമാരായ കുമ്മനം രാജശേഖരൻ, പി കെ കൃഷ്ണദാസ്, കെ സുരേന്ദ്രൻ, മറ്റു സംസ്ഥാന നേതാക്കൾ, എൻ ഡി എ നേതാക്കളായ ബി ഗോപകുമാർ (ട്വന്റി ട്വന്റി), പദ്മകുമാർ (ബി ഡി ജെ എസ്) എന്നിവർ പ്രകടനത്തിന് നേതൃത്വം നൽകി.
(With inputs from MN)
For more details: The Indian Messenger
