ജോസഫ് വിജയ്യുടെ ‘ജനനായകൻ’ ഉടൻ തിയേറ്ററുകളിലേക്ക്; സെൻസർ ബോർഡ് അനുമതി ഈ ആഴ്ച ലഭിച്ചേക്കും.
ചെന്നൈ: തമിഴ്നാട് മുഖ്യമന്ത്രി സി. ജോസഫ് വിജയ്യുടെ സിനിമാ കരിയറിലെ അവസാന ചിത്രമായ ‘ജനനായകൻ’ തിയേറ്ററുകളിലെത്തിക്കാനുള്ള അണിയറ നീക്കങ്ങൾ സജീവമാകുന്നു. സെൻസർ ബോർഡുമായി (CBFC) നിലനിന്നിരുന്ന തർക്കങ്ങൾ പരിഹരിക്കപ്പെട്ടതായും ഈ ആഴ്ച തന്നെ ചിത്രത്തിന് ക്ലിയറൻസ് സർട്ടിഫിക്കറ്റ് ലഭിക്കുമെന്നുമാണ് ഏറ്റവും പുതിയ റിപ്പോർട്ടുകൾ വ്യക്തമാക്കുന്നത്. ഇതോടെ ആരാധകർ ഏറെ നാളായി കാത്തിരിക്കുന്ന ചിത്രത്തിന്റെ റിലീസ് തീയതി ഈ മാസം തന്നെയുണ്ടാകുമെന്നാണ് സൂചന. 2026 ജനുവരി 9-ന് റിലീസ് ചെയ്യാനിരുന്ന ചിത്രം ചില രംഗങ്ങൾ പൊതുവികാരത്തെ വ്രണപ്പെടുത്തുമെന്ന സെൻസർ ബോർഡിന്റെ നിലപാടിനെത്തുടർന്നാണ് വൈകിയത്. ഇതിനെതിരെ നിർമ്മാതാക്കൾ കോടതിയെ സമീപിച്ചെങ്കിലും പിന്നീട് ഹർജി പിൻവലിച്ച് റിവിഷൻ കമ്മിറ്റിക്ക് വിടുകയായിരുന്നു.
സിനിമ പൂർണ്ണമായി രാഷ്ട്രീയത്തിലേക്ക് ഇറങ്ങുന്നതിന് മുൻപുള്ള വിജയ്യുടെ അവസാന ചിത്രമായതിനാൽ വലിയ പ്രതീക്ഷയോടെയാണ് സിനിമാ ലോകം ഇതിനെ നോക്കിക്കാണുന്നത്. ജൂലൈ 16, ജൂലൈ 23, ജൂലൈ 31 എന്നീ തീയതികളാണ് റിലീസിനായി അണിയറപ്രവർത്തകർ പ്രധാനമായും പരിഗണിക്കുന്നത്. എന്നാൽ ജൂലൈ 31-ന് വിജയ്യുടെ മകൻ ജേസൺ സഞ്ജയ് ആദ്യമായി സംവിധാനം ചെയ്യുന്ന ‘സിഗ്മ’ എന്ന ചിത്രം റിലീസ് ചെയ്യാനിരിക്കുന്നതിനാൽ അച്ഛനും മകനും തമ്മിലുള്ള ഒരു ബോക്സ് ഓഫീസ് മത്സരം ഒഴിവാക്കാൻ അണിയറപ്രവർത്തകർ ശ്രദ്ധിക്കുന്നുണ്ട്. ജൂലൈയിൽ റിലീസ് സാധ്യമായില്ലെങ്കിൽ ഓഗസ്റ്റ് 7-ലേക്ക് ചിത്രം മാറ്റിവെച്ചേക്കും. ഇതിനിടെ കഴിഞ്ഞ ഏപ്രിൽ 9-ന് തമിഴ്നാട് നിയമസഭാ തിരഞ്ഞെടുപ്പിന് തൊട്ടുമുൻപ് ചിത്രത്തിന്റെ എച്ച്.ഡി പ്രിന്റ് ഓൺലൈനിൽ ചോർന്നത് നിർമ്മാതാക്കൾക്ക് വലിയ പ്രതിസന്ധി സൃഷ്ടിച്ചിരുന്നു. സംഭവത്തിൽ പോലീസ് പ്രതികളെ അറസ്റ്റ് ചെയ്തിട്ടുണ്ട്.
എച്ച്. വിനോദ് സംവിധാനം ചെയ്യുന്ന ഈ ബിഗ് ബജറ്റ് ചിത്രത്തിൽ പൂജ ഹെഗ്ഡെ, ബോബി ഡിയോൾ, മമിത ബൈജു, ഗൗതം വാസുദേവ് മേനോൻ, പ്രകാശ് രാജ്, നരേൻ, പ്രിയാമണി എന്നിവരടങ്ങുന്ന വൻ താരനിരയാണ് അണിനിരക്കുന്നത്. ഈ വർഷം നടന്ന തമിഴ്നാട് നിയമസഭാ തിരഞ്ഞെടുപ്പിൽ മികച്ച വിജയം നേടി വിജയ് മുഖ്യമന്ത്രിയായതോടെ ചിത്രത്തിനായുള്ള കാത്തിരിപ്പിലാണ് ആരാധകർ. സെൻസർ സർട്ടിഫിക്കറ്റ് ലഭിച്ചാലുടൻ ഇന്ത്യയിലെയും വിദേശത്തെയും വിതരണക്കാരുമായി തിയേറ്റർ കരാറുകളിൽ ഏർപ്പെടാനാണ് നിർമ്മാതാക്കളായ കെ.വി.എൻ പ്രൊഡക്ഷൻസിന്റെ തീരുമാനം. ഔദ്യോഗിക റിലീസ് തീയതി ഉടൻ തന്നെ അണിയറപ്രവർത്തകർ പുറത്തുവിടും.
Short Brief
The highly anticipated final film of Tamil Nadu Chief Minister C. Joseph Vijay, titled Jana Nayagan, is reportedly gearing up for a theatrical release this July following expected CBFC clearance this week. Directed by H. Vinoth and produced by KVN Productions, the film faced previous censorship delays and a pre-election HD print leak in April 1. Makers are currently eyeing mid-to-late July release dates, deliberately avoiding a July 31 clash with the directorial debut of Vijay’s son, Jason Sanjay.
(With inputs from BWL)
For more details: The Indian Messenger
