വിനോദയാത്ര ദുരന്തമായി; അമ്പൂരിയിൽ നിർത്തിയിട്ടിരുന്ന വാഹനം മുന്നോട്ട് ഉരുണ്ട് കയറി മൂന്ന് വയസ്സുകാരിക്ക് ദാരുണാന്ത്യം.
അമ്പൂരി: വിനോദയാത്രയ്ക്കിടെയുണ്ടായ അപ്രതീക്ഷിതവും ദാരുണവുമായ അപകടത്തിൽ മൂന്ന് വയസ്സുകാരി മരണപ്പെട്ടു. കാട്ടാക്കട കൊറ്റമ്പള്ളി സ്വദേശികളായ അനു പ്രസാദ് – നിസ ദമ്പതികളുടെ മകൾ ഋഗ്വേദയാണ് മരിച്ചത്. അമ്പൂരി കുറിച്ചിക്കാട് പാലത്തിന് സമീപം നിർത്തിയിട്ടിരുന്ന ടെമ്പോ ട്രാവലർ പെട്ടെന്ന് മുന്നോട്ട് നീങ്ങി കുട്ടിയുടെ ദേഹത്തുകൂടി കയറിയിറങ്ങുകയായിരുന്നു. മൂന്ന് കുടുംബങ്ങൾ ഒന്നിച്ച് ചേർന്നാണ് ഈ പ്രദേശത്തേക്ക് വിനോദസഞ്ചാരത്തിനായി എത്തിയത്.
പാലത്തിന് സമീപം വാഹനം നിർത്തിയ ശേഷം യാത്രക്കാർ പുറത്തിറങ്ങി നിൽക്കുന്നതിനിടെയാണ് ദുരന്തം സംഭവിച്ചത്. നിർത്തിയിട്ടിരുന്ന വാഹനത്തിന്റെ ഹാൻഡ് ബ്രേക്ക് അബദ്ധത്തിൽ റിലീസാവുകയും തുടർന്ന് വാഹനം മുന്നോട്ട് ഉരുളുകയുമായിരുന്നുവെന്നാണ് പ്രാഥമിക വിവരം. നിയന്ത്രണംവിട്ട ടെമ്പോ ട്രാവലർ സമീപത്തുണ്ടായിരുന്ന കുഞ്ഞിന്റെ ദേഹത്തേക്ക് കയറുകയായിരുന്നു. അപകടത്തിൽ ഗുരുതരമായി പരിക്കേറ്റ കുഞ്ഞിനെ ഉടൻ തന്നെ കാട്ടാക്കട നെയ്യാർ മെഡിസിറ്റി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
Short Brief A tragic accident during a family trip claimed the life of a three-year-old girl named Rigveda at Amboori. The child, daughter of Anu Prasad and Nisa from Kattakada, died after a parked Tempo Traveller accidentally rolled forward when its handbrake got released. The uncontrolled vehicle ran over the toddler who was standing nearby. Though she was rushed to Neyyar Medicity Hospital in Kattakada with severe injuries, she could not be saved.
(With inputs from MN)
For more details: The Indian Messenger
