നബിദിനം: ദുബായിൽ സർക്കാർ മേഖലയ്ക്ക് മൂന്ന് ദിവസത്തെ പൊതു അവധി പ്രഖ്യാപിച്ചു.
ദുബായ്: നബിദിനത്തോടനുബന്ധിച്ച് ദുബായിലെ സർക്കാർ സ്ഥാപനങ്ങൾക്ക് ഓഗസ്റ്റ് 28 വെള്ളിയാഴ്ച ഔദ്യോഗിക അവധി പ്രഖ്യാപിച്ചു. ഇതോടെ വാരാന്ത്യ അവധി ഉൾപ്പെടെ മൂന്ന് ദിവസത്തെ ആനുകൂല്യം ലഭിക്കും. ഓഗസ്റ്റ് 31 തിങ്കളാഴ്ച മുതൽ ഓഫീസുകളുടെ പ്രവർത്തനം പുനരാരംഭിക്കും.
ദുബായ് ഗവൺമെന്റ് ഹ്യൂമൻ റിസോഴ്സ് ഡിപ്പാർട്ട്മെന്റാണ് അവധി പ്രഖ്യാപനം നടത്തിയത്. ദുബായ് സർക്കാരിന് കീഴിലുള്ള എല്ലാ പൊതുമേഖലാ സ്ഥാപനങ്ങൾക്കും വകുപ്പുകൾക്കും അതോറിറ്റികൾക്കും ഈ അവധി ബാധകമായിരിക്കും. എന്നാൽ, ഷിഫ്റ്റ് അടിസ്ഥാനത്തിൽ ജോലി ചെയ്യുന്നവർക്കും, പൊതുജനങ്ങൾക്ക് സേവനം നൽകുന്ന അത്യാവശ്യ പൊതുസേവന മേഖലകളിൽ പ്രവർത്തിക്കുന്ന ജീവനക്കാർക്കും ഈ അവധി ബാധകമല്ല.
അത്തരം ജീവനക്കാരുടെ പ്രവൃത്തി സമയം ബന്ധപ്പെട്ട സ്ഥാപനങ്ങൾ തങ്ങളുടെ പ്രവർത്തന ആവശ്യകത അനുസരിച്ച് ക്രമീകരിക്കും. അവധി ദിനങ്ങളിലും പൊതുസേവനങ്ങൾ തടസ്സമില്ലാതെയും കാര്യക്ഷമമായും ലഭിക്കുന്നുണ്ടെന്ന് അതത് വകുപ്പുകൾ ഉറപ്പാക്കും.
For more details: The Indian Messenger
