വ്യാജ ആധാർ ഉപയോഗിച്ച് ഇന്ത്യൻ പൗരത്വം നേടാൻ ശ്രമം: ബോംബെ ഹൈക്കോടതി ആശങ്ക രേഖപ്പെടുത്തി; കേന്ദ്ര ഇടപെടൽ ആവശ്യപ്പെട്ടു.

മുംബൈ: വിദേശികൾ അതിർത്തി വഴി അനധികൃതമായി രാജ്യത്തേക്ക് കടക്കുകയും ആധാർ, പാൻ കാർഡുകൾ അടക്കമുള്ള രേഖകൾ വ്യാജമായി ഉണ്ടാക്കി ഇന്ത്യൻ പൗരത്വത്തിന് അവകാശവാദം ഉന്നയിക്കുകയും ചെയ്യുന്ന പ്രവണത വർദ്ധിച്ചു വരുന്നതായി ബോംബെ ഹൈക്കോടതി ആശങ്ക പ്രകടിപ്പിച്ചു. ഈ വിഷയത്തിൽ അടിയന്തര നടപടികൾ സ്വീകരിക്കാൻ കോടതി കേന്ദ്ര സർക്കാരിനോട് ആവശ്യപ്പെട്ടു.

ഏജൻസികൾ തമ്മിലുള്ള ഏകോപനമില്ലായ്മയും രേഖകളുടെ പരിശോധനയിൽ വരുന്ന വീഴ്ചകളുമാണ് ഇത്തരം സംഭവങ്ങൾക്ക് കാരണമെന്നും, വ്യാജ രേഖകൾ നിർമ്മിച്ച് രാജ്യത്ത് തുടരുന്ന ചിലർ രാജ്യവിരുദ്ധ പ്രവർത്തനങ്ങളിൽ ഏർപ്പെടുന്നുണ്ടെന്നും ജസ്റ്റിസുമാരായ എ.എസ്. ഗാഡ്കരി, കമൽ ഖാത എന്നിവരടങ്ങിയ ബെഞ്ച് നിരീക്ഷിച്ചു. ഇത്തരക്കാരെ എത്രയും വേഗം കണ്ടെത്തി നാടുകടത്തണമെന്നും കോടതി നിർദ്ദേശിച്ചു.

For more details: The Indian Messenger

Sponsored

Sponsored