മൊഹ്സിൻ നഖ്വിയിൽ നിന്ന് ട്രോഫി വാങ്ങാൻ വിസമ്മതിച്ച് ഇന്ത്യൻ വനിതാ ക്രിക്കറ്റ് ടീം; സമ്മാനദാന ചടങ്ങ് ബഹിഷ്കരിച്ചു.
ദുബായ്: ഏഷ്യൻ ക്രിക്കറ്റ് കൗൺസിൽ (ACC) പ്രസിഡന്റും പാകിസ്ഥാൻ ക്രിക്കറ്റ് ബോർഡ് (PCB) ചെയർമാനുമായ മൊഹ്സിൻ നഖ്വിയിൽ നിന്ന് ട്രോഫി ഏറ്റുവാങ്ങാൻ ഇന്ത്യൻ വനിതാ ക്രിക്കറ്റ് ടീം വിസമ്മതിച്ചു. ദുബായ് ഇന്റർനാഷണൽ ക്രിക്കറ്റ് സ്റ്റേഡിയത്തിൽ നടന്ന വനിതാ ഏഷ്യാ കപ്പ് ഫൈനലിന് ശേഷമുള്ള ഔദ്യോഗിക സമ്മാനദാന ചടങ്ങിൽ പങ്കെടുക്കാതെ ഇന്ത്യൻ ടീം വിട്ടുനിൽക്കുകയായിരുന്നു.
ഇതിന് മുൻപ് 2025-ലെ ഏഷ്യാ കപ്പ് ഫൈനലിലും സമാനമായ സംഭവമാണ് അരങ്ങേറിയത്. അന്ന് ട്രോഫിയുമായി നഖ്വി ദുബായിലെ എ.സി.സി ഓഫീസിലേക്ക് മടങ്ങുകയായിരുന്നു. ഈ ട്രോഫി ഇപ്പോഴും അവിടെത്തന്നെയാണെന്നാണ് വിവരങ്ങൾ.
ഹർമൻപ്രീത് കൗറിന്റെ നേതൃത്വത്തിലിറങ്ങിയ ഇന്ത്യൻ സംഘം ഫൈനലിൽ ശ്രീലങ്കയെ 72 റൺസിന് തകർത്താണ് ഏഷ്യാ കപ്പ് കിരീടത്തിൽ മുത്തമിട്ടത്. മത്സരത്തിന് ശേഷം താരങ്ങൾ ഗ്രൗണ്ടിൽ ആഘോഷ പ്രകടനങ്ങൾ നടത്തുകയും ബ്രോഡ്കാസ്റ്റർമാർക്ക് അഭിമുഖങ്ങൾ നൽകുകയും ചെയ്തിരുന്നു. സാധാരണയായി മത്സരം കഴിഞ്ഞ് 15 മുതൽ 20 മിനിറ്റിനുള്ളിൽ സമ്മാനദാന ചടങ്ങ് ആരംഭിക്കാറുണ്ടെങ്കിലും, ഇത്തവണ തർക്കങ്ങളെ തുടർന്ന് ഒരു മണിക്കൂറിലധികം ചടങ്ങുകൾ വൈകി.
For more details: The Indian Messenger
