എന്.എസ്.രാജാ സുബ്രഹ്മണി ഇന്ത്യയുടെ സംയുക്ത സൈനിക മേധാവിയായി ചുമതലേറ്റു.
ന്യൂഡൽഹി: ലെഫ്റ്റനന്റ് ജനറൽ എൻ.എസ്. രാജാ സുബ്രഹ്മണി ഇന്ത്യയുടെ പുതിയ സംയുക്ത സൈനിക മേധാവിയായി (ചീഫ് ഓഫ് ഡിഫൻസ് സ്റ്റാഫ് – CDS) ചുമതലയേറ്റു. പതിറ്റാണ്ടുകളുടെ പ്രവർത്തനപരിചയവും കമാൻഡ് മികവുമുള്ള മുതിർന്ന സൈനിക ഉദ്യോഗസ്ഥനായ ജനറൽ എൻ.എസ്. രാജാ സുബ്രഹ്മണി, ജനറൽ അനിൽ ചൗഹാന്റെ പിൻഗാമിയായാണ് ഈ പരമോന്നത പദവിയിലെത്തുന്നത്. 1985 ഡിസംബറില് ഗര്വാള് റൈഫിള്സില് തന്റെ സൈനിക ജീവിതത്തിന് തുടക്കമിട്ട രാജാ സുബ്രഹ്മണിയ്ക്ക് ഇന്ത്യന് സൈന്യത്തില് 37 വര്ഷത്തിലേറെ നീണ്ട വിപുലമായ സേവന പാരമ്പര്യമുണ്ട്.
2025 സെപ്റ്റംബര് ഒന്നു മുതല് നാഷണല് സെക്യൂരിറ്റി കൗണ്സില് സെക്രട്ടേറിയറ്റില് മിലിട്ടറി അഡ്വൈസറായി സേവനമനുഷ്ഠിച്ചു വരികയായിരുന്നു അദ്ദേഹം. ഇതിനു മുൻപ് 2024 ജൂലൈ 1 മുതല് 2025 ജൂലൈ 31 വരെ കരസേന ഉപമേധാവിയായും (Vice Chief of Army Staff), 2023 മാര്ച്ച് മുതല് 2024 ജൂണ് വരെ സെന്ട്രല് കമാന്ഡ് ജനറല് ഓഫീസര് കമാന്ഡിംഗ്-ഇന്-ചീഫ് ആയും സേവനം അനുഷ്ഠിച്ചിട്ടുണ്ട്. തമിഴ്നാട് സ്വദേശിയായ അദ്ദേഹം തെക്കേ ഇന്ത്യയിൽ നിന്ന് രാജ്യത്തിന്റെ സംയുക്ത സൈനിക മേധാവിസ്ഥാനത്ത് എത്തുന്ന ആദ്യ വ്യക്തിയാണ്. ‘ഓപ്പറേഷൻ സിന്ദൂർ’ ഉൾപ്പെടെയുള്ള രാജ്യത്തിന്റെ നിരവധി നിർണായക സൈനിക ദൗത്യങ്ങളിൽ മികച്ച നേതൃത്വം നൽകിയ വ്യക്തി കൂടിയാണ് ജനറല് എന്. എസ്. രാജാ സുബ്രഹ്മണി.
ചീഫ് ഓഫ് ഡിഫൻസ് സ്റ്റാഫായി ചുമതലയേൽക്കാൻ കഴിഞ്ഞതിൽ തനിക്ക് അതിയായ അഭിമാനമുണ്ടെന്നും, സായുധ സേനയിൽ രാജ്യം അർപ്പിച്ച വിശ്വാസത്തിന് നന്ദിയുണ്ടെന്നും ചുമതലയേറ്റ ശേഷം ജനറൽ എൻ.എസ്. രാജാ സുബ്രഹ്മണി പറഞ്ഞു. പ്രധാനമന്ത്രിയുടെ ദർശനമായ ‘ജെ.എ.ഐ’ (JAI – Jointness, Atma Nirbharta, Innovation അഥവാ സംയോജനം, ആത്മനിർഭരത, നവീകരണം) നടപ്പിലാക്കാൻ സായുധ സേന പ്രതിജ്ഞാബദ്ധമാണ്. സായുധ സേനയുടെ പരിവർത്തനത്തിനും സംയോജനവും പരസ്പര ഏകോപനവും വർദ്ധിപ്പിക്കുന്നതിനുള്ള സംഘടനാപരമായ പരിഷ്കാരങ്ങൾക്കുമായിരിക്കും തന്റെ പ്രാഥമിക പരിഗണന. ആത്മനിർഭരത എന്നത് ഇന്ത്യയുടെ ദേശീയ സുരക്ഷയുടെ പ്രധാന തൂണാണെന്നും തദ്ദേശീയമായി നിർമ്മിച്ച ആയുധങ്ങളുടെ വികസനവും സായുധ സേനയിലേക്കുള്ള അവയുടെ ഉൾപ്പെടുത്തലും വേഗത്തിലാക്കുമെന്നും അദ്ദേഹം കൂട്ടിച്ചേർത്തു.
Short Brief
General N.S. Raja Subramani has taken charge as India’s new Chief of Defence Staff (CDS), succeeding General Anil Chauhan. Hailing from Tamil Nadu, he is the first officer from South India to hold this top military post. With over 37 years of service, including key roles like Vice Chief of Army Staff, General Subramani emphasized his commitment to the Prime Minister’s vision of ‘JAI’ (Jointness, Atma Nirbharta, Innovation) and accelerating the integration of indigenous weaponry.
(With inputs from MN)
For more details: The Indian Messenger
