മേപ്പാടിയിൽ രാത്രിയിലും തുടർന്ന് രക്ഷാപ്രവർത്തനം; മന്ത്രിമാരായ ടി സിദ്ദിഖും എ പി അനിൽകുമാറും സ്ഥലത്ത്, 5 മരണം.
കൽപ്പറ്റ: വയനാട് കള്ളാടി തുരങ്കപാത നിർമ്മാണ മേഖലയിലുണ്ടായ വൻ മണ്ണിടിച്ചിൽ ദുരന്തത്തിൽ കനത്ത മഴയെയും പ്രതികൂല സാഹചര്യങ്ങളെയും അവഗണിച്ച് രാത്രിയിലും രക്ഷാപ്രവർത്തനം ഊർജ്ജിതമായി തുടരുന്നു. മന്ത്രിമാരായ ടി സിദ്ദിഖ്, എ പി അനിൽകുമാർ എന്നിവർ സംഭവസ്ഥലത്ത് നേരിട്ടെത്തി ദുരിതാശ്വാസ പ്രവർത്തനങ്ങൾ ഏകോപിപ്പിക്കുകയാണ്. മുഖ്യമന്ത്രി വി ഡി സതീശനുമായി നടത്തിയ അടിയന്തര കൂടിക്കാഴ്ച്ചയ്ക്ക് ശേഷമാണ് മന്ത്രിമാർ വയനാട്ടിലേക്ക് തിരിഞ്ഞത്. പരിക്കേറ്റവർ ചികിത്സയിൽ കഴിയുന്ന വിംസ് (WIMS) ആശുപത്രിയിൽ മന്ത്രിമാരുടെയും ഡി ഐ ജി കെ കാർത്തികിന്റെയും നേതൃത്വത്തിൽ അടിയന്തര അവലോകന യോഗം ചേർന്നു. ഇതിന് ശേഷം മന്ത്രിമാർ ആശുപത്രി വാർഡുകളിലെത്തി പരിക്കേറ്റവരെ സന്ദർശിച്ചു.
ഇന്ന് രാവിലെ കള്ളാടി മീനാക്ഷി പാലത്തിന് സമീപമുണ്ടായ മൺകൂനകൾക്കിടയിൽ ഇനിയും ആളുകൾ കുടുങ്ങിക്കിടക്കുന്നുണ്ടോ എന്നറിയാനുള്ള തെരച്ചിൽ യുദ്ധകാലാടിസ്ഥാനത്തിലാണ് മുന്നോട്ട് പോകുന്നത്. ദുരന്തത്തിൽ ഇതുവരെ അഞ്ച് പേരുടെ മരണം സ്ഥിരീകരിക്കുകയും മൂന്ന് പേരെ കാണാതാവുകയും ചെയ്തിട്ടുണ്ട്. പരിക്കേറ്റ ഏഴ് പേരിൽ ഒരാളുടെ നില അതീവ ഗുരുതരമായി തുടരുന്നു. നിസാര പരിക്കേറ്റ രണ്ട് പേരെ പ്രാഥമിക ചികിത്സയ്ക്ക് ശേഷം ഡിസ്ചാർജ് ചെയ്തു. നിലവിൽ ഹിര കുമാർ (32), ദിലീപ് (19), സൂരജ് യാദവ് (25), സഞ്ജയ് താക്കൂർ (35), രജനീഷ് (27), തന്മയ് ഘോഷ് (28), കൂപമാൽ (ജയ) (37), കുഞ്ചു (39), സന്തോഷ് കുമാർ എന്നിവരുൾപ്പെടെ 9 പേരാണ് വിംസ് ആശുപത്രിയിൽ ചികിത്സയിലുള്ളത്.
വൻതോതിൽ മണ്ണൊലിച്ചെത്തിയതിനെ തുടർന്ന് പ്രദേശത്തെ വീടും പള്ളിയും ബസ് സ്റ്റോപ്പും തൊഴിലാളികളുമായി വന്ന ബസുകളും പൂർണ്ണമായി മണ്ണിനടിയിലായിരിക്കുകയാണ്. മീനാക്ഷി പാലവും നിലവിൽ വലിയ അപകടാവസ്ഥയിലാണ്. അതേസമയം, മുൻകരുതലിന്റെ ഭാഗമായി ചുളിക്ക ജി എൽ പി സ്കൂളിൽ ആദ്യം ആരംഭിച്ച ദുരിതാശ്വാസ ക്യാമ്പ് കാഞ്ഞിരോട് പോളിടെക്നിക് കോളേജിലേക്ക് മാറ്റാൻ ഉദ്യോഗസ്ഥർ തീരുമാനിച്ചു. സ്കൂളിലുള്ള മുഴുവൻ ആളുകളെയും സുരക്ഷിതമായി പോളിടെക്നിക് കോളേജിലെ പുതിയ ക്യാമ്പിലേക്ക് നിലവിൽ മാറ്റിവരികയാണ്.
Short Brief A massive landslide at the Kalladi tunnel road construction site in Meppadi, Wayanad, has left five people dead and three missing. Despite heavy rains, night-time rescue operations are underway, supervised by Ministers T Siddique and AP Anil Kumar. Nine injured persons are currently undergoing treatment at WIMS Hospital, where one remains critical. The landslide completely buried houses, a mosque, a bus stop, and workers’ buses, putting the nearby Meenakshi bridge at risk. Consequently, authorities have shifted the relief camp from Chulika GLP School to Kanjirode Polytechnic College for safety.
(With inputs from MN)
For more details: The Indian Messenger
