കുവൈത്തിന്റെ ഭക്ഷ്യഭദ്രത ഉറപ്പാക്കുന്നതിൽ ലുലു ഗ്രൂപ്പിന്റെ പങ്കിനെ പ്രശംസിച്ച് അമീറും കിരീടാവകാശിയും.
കുവൈത്ത് സിറ്റി: ലുലു ഗ്രൂപ്പ് ചെയർമാൻ എം.എ. യൂസഫലി കുവൈത്ത് അമീർ ഷെയ്ഖ് മെഷാൽ അൽ-അഹമ്മദ് അൽ-ജാബർ അൽ-സബാഹ്, കുവൈത്ത് കിരീടാവകാശി ഷെയ്ഖ് സബാഹ് ഖാലിദ് അൽ-ഹമദ് അൽ-സബാഹ് എന്നിവരുമായി ബയാൻ കൊട്ടാരത്തിൽ കൂടിക്കാഴ്ച നടത്തി. ജൂലൈ 1-ന് നടന്ന ഈ കൂടിക്കാഴ്ചയിൽ, കുവൈത്തിലെ ലുലു ഗ്രൂപ്പിന്റെ നിലവിലെ പ്രവർത്തനങ്ങളെക്കുറിച്ചും ഭാവി വികസന പദ്ധതികളെക്കുറിച്ചും, പ്രത്യേകിച്ച് ഭക്ഷ്യഭദ്രതാ മേഖലയിലെ ഗ്രൂപ്പിന്റെ ഇടപെടലുകളെക്കുറിച്ചും യൂസഫലി അമീറിനെയും കിരീടാവകാശിയെയും ധരിപ്പിച്ചു.
രാജ്യത്തുടനീളം അവശ്യ ഭക്ഷ്യവസ്തുക്കളുടെ ലഭ്യത ഉറപ്പാക്കുന്നതിനും സപ്ലൈ ചെയിൻ സംവിധാനങ്ങൾ ശക്തമാക്കുന്നതിനും ലുലു ഗ്രൂപ്പ് നടത്തുന്ന ശ്രമങ്ങളെ അദ്ദേഹം കൂടിക്കാഴ്ചയിൽ എടുത്തുപറഞ്ഞു. പ്രാദേശിക പ്രതിസന്ധികൾക്കിടയിലും കുവൈത്തിന്റെ ഭക്ഷ്യഭദ്രത ശക്തിപ്പെടുത്തുന്നതിനായി ലുലു ഗ്രൂപ്പ് നൽകുന്ന തുടർച്ചയായ പിന്തുണയെയും സംഭാവനകളെയും അമീറും കിരീടാവകാശിയും ഏറെ അഭിനന്ദിച്ചു. ലുലു ഇന്റർനാഷണല് ഹോൾഡിംഗ്സ് ചീഫ് ഓപ്പറേറ്റിംഗ് ഓഫീസർ എ.വി. ആനന്ദ് റാം, ലുലു കുവൈത്ത് ഡയറക്ടർ ശ്രീജിത്ത് കെ.എസ്., റീജിയണൽ ഡയറക്ടർ സാക്കിർ ഹുസൈൻ എന്നിവരും ഈ ഉന്നതതല കൂടിക്കാഴ്ചയിൽ പങ്കെടുത്തു.
Short Brief
Lulu Group Chairman M.A. Yusuffali met with the Amir of Kuwait, HH Sheikh Meshal Al-Ahmad Al-Jaber Al-Sabah, and the Crown Prince, HH Sheikh Sabah Khaled Al-Hamad Al-Sabah, at Bayan Palace on July 1. During the meeting, Yusuffali briefed the leadership on Lulu Group’s expansion plans and its initiatives to secure supply chains and essential food products. The Amir and Crown Prince highly appreciated the group’s ongoing contributions to Kuwait’s food security amid regional challenges. The meeting was also attended by top executives from Lulu Group.
(With inputs from Arabtimes)
For more details: The Indian Messenger
