കൊച്ചി: രഞ്ജിത്ത് സംവിധാനം ചെയ്യുന്ന ഏറ്റവും പുതിയ മാസ് ആക്ഷൻ എന്റർടൈനർ ചിത്രം ‘ലോ ആൻഡ് ഓർഡർ’ വരും ജൂലൈ ഇരുപത്തിനാലിന് തിയേറ്ററുകളിൽ പ്രദർശനത്തിനെത്തുന്നു. ‘തുടരും’ എന്ന സിനിമയിലൂടെ പ്രേക്ഷകരുടെ പ്രിയങ്കരനായി മാറിയ, ‘ജോർജ് സാർ’ എന്ന കഥാപാത്രത്തെ അവതരിപ്പിച്ച പ്രകാശ് വർമ്മ പോലീസ് യൂണിഫോമിൽ നിൽക്കുന്ന വലിയൊരു പോസ്റ്റർ പങ്കുവെച്ചുകൊണ്ടാണ് അണിയറപ്രവർത്തകർ റിലീസ് തീയതി ഔദ്യോഗികമായി പ്രഖ്യാപിച്ചത്. പോസ്റ്ററിന്റെ താഴെയായി അഞ്ച് ചെറുപ്പക്കാർ ഓടുന്നതും കാണാം; ഇവരിൽ മൂന്ന് പേർ പോലീസ് യൂണിഫോമിലും രണ്ടുപേർ സിവിൽ ഡ്രസ്സിലുമാണെങ്കിലും അഞ്ച് പേരും പോലീസ് കഥാപാത്രങ്ങൾ തന്നെയെന്നാണ് വ്യക്തമാകുന്നത്. പ്രഥമദൃഷ്ട്യാ തന്നെ ഇതൊരു പക്കാ ഇൻവെസ്റ്റിഗേഷൻ പോലീസ് ചിത്രമായിരിക്കുമെന്ന സൂചനയാണ് പോസ്റ്റർ നൽകുന്നത്.
സത്യം സിനിമാസ് & മഹാ സുബൈർ മൂവി ക്ഷേത്രയുടെ ബാനറിൽ പ്രേമചന്ദ്രൻ ഏ.ജി, മഹാ സുബൈർ എന്നിവർ ചേർന്നാണ് ഈ ബിഗ് ബജറ്റ് ചിത്രം നിർമ്മിക്കുന്നത്. മലയാളത്തിലെ ഹിറ്റ് തിരക്കഥാകൃത്ത് ഉദയ് കൃഷ്ണയുടേതാണ് ചിത്രത്തിന്റെ തിരക്കഥ. ക്രമസമാധാന നില ഉത്തരവാദിത്തത്തോടെ നിർവ്വഹിക്കുവാൻ നിയോഗിക്കപ്പെട്ട അഞ്ച് യുവ സബ് ഇൻസ്പെക്ടർമാരുടെയും (എസ്.ഐ), അവർക്ക് താങ്ങും തണലുമായി നിൽക്കുന്ന ഒരു മുതിർന്ന പോലീസ് ഓഫീസറുടെയും ഔദ്യOfficialദ്യോഗിക ജീവിതവും കരിയറുമാണ് ചിത്രത്തിന്റെ പ്രധാന പ്രമേയം. ആക്ഷന് ഏറെ പ്രാധാന്യം നൽകി ഒരുക്കുന്ന ഈ മാസ് ചിത്രത്തിന്റെ ചിത്രീകരണം കൊച്ചി, തിരുവനന്തപുരം, കോട്ടയം, വയനാട്, കണ്ണൂർ എന്നിവിടങ്ങളിലായി തൊണ്ണൂറ് ദിവസത്തോളമാണ് നീണ്ടുനിന്നത്.
ചിത്രത്തിൽ പ്രകാശ് വർമ്മയ്ക്കൊപ്പം പ്രമുഖ നടി അഭിരാമിയും സുപ്രധാനമായ ഒരു കഥാപാത്രത്തെ അവതരിപ്പിക്കുന്നുണ്ട്. സമീപകാലത്ത് ‘ബ്ലാസ്റ്റ്’ (Blast) എന്ന ചിത്രത്തിലൂടെ പ്രേക്ഷകരെ വിസ്മയിപ്പിച്ച അഭിരാമിയുടെ മടങ്ങിവരവ് കൂടിയാണ് ഈ ചിത്രം. വലിയ താരനിര അണിനിരക്കുന്ന ചിത്രത്തിൽ ഋതു ദേവ് അയ്യപ്പൻ, ഷനൂദ് ഇബ്രാഹിം, ഡോൺ മൈക്കിൾ, സജൽ സുദർശൻ, നിജാദ് ബാബു തോമസ്, ഷേർഷ ഷെരിഫ്, റിനോഷ് ജോർജ്, അമൽ ജോസ് ആന്റണി, ബോബി കുര്യൻ, വി.കെ. പ്രകാശ്, സുരേഷ് കൃഷ്ണ, ജോയ് മാത്യു, ദേവൻ, ആനന്ദ് മന്മഥൻ, ജോണി ആന്റണി, ഭീമൻ രഘു, നന്ദു, ജെയ്സ് ജോസ്, അസിം ജമാൽ, ഗായത്രി അശോക്, അജയ് വാസുദേവ്, ശങ്കർ രാമകൃഷ്ണൻ, നന്ദൻ ഉണ്ണി, അക്ഷയ് രാധാകൃഷ്ണൻ, മോഹൻ ജോസ്, മാധുരി, സാബുമോൻ, ഗുണ്ടുകാട് സാബു, മുരുകൻ, സന്ധ്യാ രാജേന്ദ്രൻ, വൈഷ്ണവി, രമാദേവി, അംബികാ നായർ എന്നിവരും പ്രധാന വേഷങ്ങളിൽ എത്തുന്നു.
ഷിബു ചക്രവർത്തിയുടെ വരികൾക്ക് ജോ ഡാനിയേൽ സംഗീതവും ബിജിബാൽ പശ്ചാത്തല സംഗീതവും ഒരുക്കുന്നു. പ്രശാന്ത് രവീന്ദ്രൻ ഛായാഗ്രഹണവും മനോജ് കണ്ണോത്ത് എഡിറ്റിംഗും നിർവ്വഹിക്കുന്നു. കലാസംവിധാനം സാബു റാം, മേക്കപ്പ് റോഷൻ എൻ. ജി, കോസ്റ്റ്യൂം ഡിസൈൻ സമീറാ സനീഷ്, സ്റ്റിൽസ് പ്രേംലാൽ പട്ടാഴി, സൗണ്ട് ഡിസൈൻ കിഷൻ സപ്താ, ലൈൻ പ്രൊഡ്യൂസർ സുനിൽ സിംഗ്, ചീഫ് അസോസിയേറ്റ് ഡയറക്ടർ വി. ബോസ്, ഡിസൈൻ ആന്റണി സ്റ്റീഫൻ എന്നിവരാണ് മറ്റ് അണിയറ പ്രവർത്തകർ. കലൈ കിംഗ്സ്റ്റൺ, ഫീനിക്സ് പ്രഭു, മാഫിയാ ശശി, പി.സി. സ്റ്റണ്ട്സ് എന്നിവർ ചേർന്നാണ് ചിത്രത്തിലെ ആക്ഷൻ രംഗങ്ങൾ ഒരുക്കുന്നത്. ശാലിനി കാസ്റ്റിംഗ് ഡയറക്ടറായ ചിത്രത്തിന്റെ പ്രൊഡക്ഷൻ എക്സിക്യൂട്ടീവ് പ്രസാദ് നമ്പ്യാങ്കാവും പ്രൊഡക്ഷൻ കൺട്രോളർ പ്രശാന്ത് നാരായണനുമാണ്.
Short Brief
The official release date for director Ranjith’s upcoming big-budget mass action entertainer Law and Order has been announced for July 24. Produced by Premachandran A.G. and Maha Subair under the banners of Satyam Cinemas & Maha Subair Movie Kshethra, the film is scripted by Udaykrishna. The story revolves around the official lives of five young Sub-Inspectors and their mentor, played by Prakash Varma, alongside a crucial character portrayed by Abhirami. The technical team includes cinematographer Prashanth Raveendran, music director Jo Daniel, and background scorer Bijibal.
(With inputs from Vazhoor Jose)
For more details: The Indian Messenger
