ഈജിപ്തിലെ മഹത്തായ പിരമിഡുകളെക്കുറിച്ച് നമുക്കെല്ലാവർക്കും അറിവുള്ളതാണ്. എന്നാൽ പുരാതന ഭാരതത്തിലെ മഹത്തായ പിരമിഡിനെക്കുറിച്ച് നമ്മളിൽ എത്രപേർക്ക് അറിയാം?
മഹാഭാരതത്തിൽ ദ്രുപദ രാജാവിന്റെ പഞ്ചാല രാജ്യത്തിന്റെ തലസ്ഥാനമായി പരാമർശിക്കപ്പെടുന്ന അഹിച്ഛത്രയാണ് ഇന്നത്തെ ഉത്തർപ്രദേശിലെ ബറേലി. പിന്നീട് അർജ്ജുനൻ കീഴടക്കിയ ഈ പ്രദേശം ദ്രോണാചാര്യർക്ക് നൽകപ്പെടുകയും, ദ്രുപദൻ തന്റെ തലസ്ഥാനം ദക്ഷിണ പഞ്ചാലിലെ കാമ്പില്യയിലേക്ക് മാറ്റുകയും ചെയ്തു. അത്യധികം സമൃദ്ധമായ ഒരു മഹാ നഗരമായാണ് അഹിച്ഛത്ര ചരിത്രത്തിൽ വിശേഷിപ്പിക്കപ്പെടുന്നത്.
ബറേലിയിൽ നടന്ന പുരാവസ്തു ഖനനങ്ങളിൽ ഒരു വലിയ പിരമിഡിന്റെ ആകൃതിയിലുള്ള പൗരാണികമായ ഒരു കൂറ്റൻ ക്ഷേത്രം കണ്ടെത്തിയിട്ടുണ്ട്. വിനാശങ്ങൾക്ക് ശേഷവും ഈ ക്ഷേത്ര അവശിഷ്ടങ്ങൾക്ക് 22 മീറ്റർ ഉയരമുണ്ട് (താരതമ്യപ്പെടുത്തിയാൽ മക്കയിലെ കഅബയുടെ ഉയരം 13 മീറ്ററാണ്). ഇതിന്റെ ഏറ്റവും മുകളിലായി ഒരു ശിവലിംഗവും കാണാം. ഏകദേശം 187 ഹെക്ടറിലധികം പ്രദേശത്തായി പരുത്തിക്കിടക്കുന്നതാണ് ഈ പ്രദേശം. റോമൻ കാലഘട്ടത്തിലെ ലണ്ടൻ നഗരം കേവലം 140 ഹെക്ടർ മാത്രമായിരുന്നുവെന്ന് ഓർക്കുമ്പോഴാണ് അഹിച്ഛത്രയുടെ വ്യാപ്തി വ്യക്തമാകുന്നത്.
പന്ത്രണ്ടാം നൂറ്റാണ്ടിലുണ്ടായ ആക്രമണങ്ങൾക്ക് ഇരയായി തകർക്കപ്പെട്ടിട്ടും ഈ ഇഷ്ടിക ക്ഷേത്ര അവശിഷ്ടങ്ങൾ ഇത്രയും ഭീമാകാരമായി നിലനിൽക്കുന്നുവെങ്കിൽ, അതിന്റെ പ്രതാപകാലത്ത് ഇത് എത്രത്തോളം ഗംഭീരമായിരുന്നിരിക്കണം! ഭാരതത്തിൽ ഏറ്റവും കൂടുതൽ കാലം നിലനിന്ന പുരാവസ്തു കേന്ദ്രങ്ങളിൽ ഒന്നാണ് അഹിച്ഛത്ര. ബി.സി 2000 മുതലുള്ള ഏറ്റവും പഴയ പാളികളിൽ ഒക്ര നിറത്തിലുള്ള മൺപാത്രങ്ങളും (OCP), തുടർന്ന് പെയിന്റഡ് ഗ്രേ വെയർ (PGW) സംസ്കാരത്തിന്റെ അവശിഷ്ടങ്ങളും കണ്ടെത്തിയിട്ടുണ്ട്. പന്ത്രണ്ടാം നൂറ്റാണ്ടിലെ വിനാശകരമായ കടന്നുകയറ്റങ്ങൾ വരെ മൂവായിരത്തോളം വർഷങ്ങൾ ഈ പ്രദേശം നിലനിന്നു.
നിരവധി ഹൈന്ദവ ശില്പങ്ങൾ ഈ പ്രദേശത്തുനിന്ന് ഖനനം ചെയ്തെടുത്തിട്ടുണ്ട്. അവയിപ്പോൾ ലോകമെമ്പാടുമുള്ള പ്രശസ്ത മ്യൂസിയങ്ങളിൽ സൂക്ഷിച്ചിരിക്കുന്നു. മകരമത്സ്യത്തിന് മുകളിൽ നിൽക്കുന്ന ഗംഗാദേവിയുടെ ശില്പവും, കിരാതാർജ്ജുനീയം സന്ദർഭത്തെ അനുസ്മരിപ്പിക്കുന്ന ശിവന്റെ ശില്പവും ഇതിൽ പ്രധാനപ്പെട്ടവയാണ്.
For more details: The Indian Messenger
