ഭർത്താവിന്റെ മരണശേഷം ഭ്രൂണം ഉപയോഗിച്ച് ഗർഭം ധരിക്കാൻ വിധവയ്ക്ക് അനുമതി നൽകി കേരള ഹൈക്കോടതി.

കൊച്ചി: ഭർത്താവിന്റെ മരണശേഷം, മുൻപ് സൂക്ഷിച്ചു വെച്ചിരുന്ന ഭ്രൂണം (Embryo) ഉപയോഗിച്ച് ഗർഭം ധരിക്കാൻ വിധവയ്ക്ക് അനുമതി നൽകി കേരള ഹൈക്കോടതി. മരണാനന്തര ഉപയോഗത്തിനുള്ള വ്യക്തമായ രേഖാമൂലമുള്ള സമ്മതപത്രം (Post-death consent form) നിലവിലില്ലെന്ന സാങ്കേതിക കാരണം ചൂണ്ടിക്കാട്ടി ആശുപത്രി അധികൃതർ ഉന്നയിച്ച തടസ്സം തള്ളിക്കൊണ്ടാണ് ഹൈക്കോടതിയുടെ ഈ നിർണായക ഉത്തരവ്.

ആശുപത്രിയുടെ ഭാഗത്തുനിന്നുണ്ടായ സാങ്കേതിക പേപ്പർവർക്ക് വീഴ്ചയേക്കാൾ, അന്തരിച്ച ഭർത്താവിന്റെ യഥാർത്ഥ ആഗ്രഹത്തിനാണ് ഹൈക്കോടതി പ്രാധാന്യം നൽകിയത്.

നേരത്തെ വന്ധ്യതാ ചികിത്സയുടെ ഭാഗമായി ഭ്രൂണം സൂക്ഷിച്ചിരുന്ന ആശുപത്രി, ഭർത്താവിന്റെ പ്രത്യേക രേഖാമൂലമുള്ള സമ്മതപത്രം ഇല്ലാതെ ഇത് ഉപയോഗിക്കാൻ കഴിയില്ലെന്ന് അറിയിച്ചതിനെ തുടർന്നാണ് യുവതി ഹൈക്കോടതിയെ സമീപിച്ചത്.

Sponsored

For more details: The Indian Messenger

Sponsored