ചെന്നൈ: നടി അനുപമ പരമേശ്വരൻ ഒരു മുൻ കാമുകന്റെ നാർസിസിസ്റ്റിക് (ആത്മരതി) സ്വഭാവത്തെക്കുറിച്ച് നടത്തിയ അഭിമുഖം വൈറലായതിന് പിന്നാലെ പ്രതികരണവുമായി നടൻ ധ്രുവ് വിക്രം. ‘ബൈസൺ കാലമാടൻ’ എന്ന സിനിമയിൽ ഒരുമിച്ച് അഭിനയിച്ചതിന് ശേഷം ധ്രുവും അനുപമയും പ്രണയത്തിലാണെന്ന് അഭ്യൂഹങ്ങളുണ്ടായിരുന്നു. രണ്ട് വർഷം നീണ്ടുനിന്ന പ്രണയബന്ധത്തിൽ താൻ നേരിട്ട നിയന്ത്രണങ്ങളെയും മാനസിക സമ്മർദ്ദങ്ങളെയും കുറിച്ച് അനുപമ വെളിപ്പെടുത്തിയത് സോഷ്യൽ മീഡിയയിൽ വലിയ ചർച്ചയായിരുന്നു. അനുപമ ആരുടെയും പേര് വെളിപ്പെടുത്തിയില്ലെങ്കിലും, അനുപമയുടെ പ്രസ്താവന ധ്രുവ് വിക്രവുമായുള്ള ബന്ധത്തെക്കുറിച്ചാണെന്ന് ഇൻ്റർനെറ്റ് ലോകം പ്രചരിപ്പിച്ചിരുന്നു.
സ്വകാര്യ ജീവിതത്തെക്കുറിച്ചുള്ള നിരന്തരമായ നിരീക്ഷണം ചിലപ്പോഴൊക്കെ തന്നെ ബാധിക്കാറുണ്ടെന്ന് നടൻ ഇപ്പോൾ സമ്മതിച്ചിട്ടുണ്ട്. ഇന്ത്യാ ടുഡേ റൗണ്ട് ടേബിളിൽ സംസാരിക്കവേ, തന്റെ വ്യക്തിജീവിതത്തിന്മേലുള്ള നിരന്തര ശ്രദ്ധയെയും വിമർശനങ്ങൾനെയും എങ്ങനെ നേരിടുന്നു എന്നതിനെക്കുറിച്ച് ധ്രുവ് മനസ്സുതുറന്നു. “നിങ്ങൾ ഈ തൊഴിൽ തിരഞ്ഞെഞ്ഞെടുക്കുമ്പോൾ, വ്യക്തിജീവിതത്തിലെ ഇത്തരം നിരീക്ഷണങ്ങളും ഇതിന്റെ ഭാഗമാണെന്ന് വളരെ നേരത്തെ തന്നെ മനസ്സിലാക്കുന്നു. ഈ ജോലി എത്ര മനോഹരമാണോ, അത്രയും വ്യത്യസ്തമായ വശങ്ങൾ ഇതിനുണ്ട്. അവയെയെല്ലാം സ്വീകരിക്കാൻ നിങ്ങൾ പഠിക്കുന്നു,” നടൻ പറഞ്ഞു.
“സത്യം പറഞ്ഞാൽ, ഇത് എന്നെ ബാധിച്ചിട്ടില്ലെന്ന് പറയാൻ കഴിയില്ല. വ്യക്തിപരമായി, യാഥാർത്ഥ്യത്തിൽ ഉറച്ചുനിൽക്കുകയും, നിങ്ങൾ എന്താണെന്നും എന്തിനുവേണ്ടിയാണ് നിലകൊള്ളുന്നതെന്നും മനസ്സിലാക്കുകയും, നിങ്ങൾ സ്നേഹിക്കുന്ന എല്ലാവരെയും ശക്തമായി സംരക്ഷിക്കുകയും ചെയ്യേണ്ടത് പ്രധാനമാണ്. നിങ്ങൾ സത്യത്തോട് ചേർന്നുനിൽക്കുകയും നിങ്ങളെ നിയന്ത്രിക്കുന്നത് എന്താണെന്ന് അറിയുകയും ചെയ്യുമ്പോൾ, ഈ വിമർശനങ്ങൾക്കും പരിശോധനകൾക്കും ഒരു പരിധി വരെയേ സ്വാധീനിക്കാൻ സാധിക്കൂ,” അദ്ദേഹം കൂട്ടിച്ചേർത്തു. കാലക്രമേണ സ്വയം വിശ്വസിക്കാനും ഉള്ളിലെ വളർച്ചയിൽ ശ്രദ്ധ കേന്ദ്രീകരിക്കാനും താൻ പഠിച്ചതായി നടൻ പറഞ്ഞു.
“നിങ്ങൾ സ്നേഹിക്കുന്ന ആളുകൾക്കൊപ്പം സാധ്യമാകുന്നത്ര ഒരു സുരക്ഷിത വലയത്തിനുള്ളിൽ സ്വയം സംരക്ഷിക്കുക. എനിക്ക് ലഭിച്ച പിന്തുണ എനിക്ക് വളരെ പ്രധാനപ്പെട്ടതാണെന്ന് ഞാൻ കരുതുന്നു,” അദ്ദേഹം പറഞ്ഞു.
അനുപമ പരമേശ്വരൻ എന്താണ് പറഞ്ഞത്?
കഴിഞ്ഞകാല ബന്ധത്തിൽ താൻ നേരിട്ട ‘നാർസിസിസ്റ്റിക് അബ്യൂസിനെ’ക്കുറിച്ച് അനുപമ പരമേശ്വരൻ തുറന്നു പറഞ്ഞിരുന്നു. ധന്യ വർമ്മയുടെ യൂട്യൂബ് ചാനലിൽ പ്രത്യക്ഷപ്പെട്ട നടി, തന്റെ മുൻ പങ്കാളിയുടെ നിയന്ത്രണ സ്വഭാവത്തെക്കുറിച്ചും അത് തന്റെ മാനസികവും ശാരീരികവുമായ ആരോഗ്യത്തിൽ ഉണ്ടാക്കിയ ആഘാതത്തെക്കുറിച്ചും സംസാരിച്ചു. ബന്ധത്തിൽ തനിക്ക് പല വിലക്കുകളും നേരിടേണ്ടി വന്നെന്നും തന്റെ ‘ഡ്രാഗൺ’ എന്ന സിനിമ പ്രൊമോട്ട് ചെയ്യാൻ പോലും അനുവദിച്ചിരുന്നില്ലെന്നും നടി വെളിപ്പെടുത്തി. നടി പേരെടുത്തു പറഞ്ഞില്ലെങ്കിലും, ഈ അഭിമുഖം ധ്രുവ് വിക്രവുമായുള്ള പ്രണയത്തെക്കുറിച്ചാണെന്ന് പരക്കെ പ്രചരിച്ചു. ഇതുവരെ അനുപമയോ ധ്രുവോ പ്രണയത്തിലായിരുന്നുവെന്ന് പരസ്യമായി സ്ഥിരീകരിച്ചിട്ടില്ല.
For more details: The Indian Messenger
